عارِف
واحنا صغيرين
ولما كنت باسبَقَك
كنت انت تقلل خطوتَك تعدّيني
وقُدّامك تخليني
روحك في ضهري تحميني
وقلبَك الهادي بالحكمة
واصِل من بدري لخلاصَة
حاسِب ورايح للنِجْمَة
خُطَاك ثابتة
تعلّم بس من غير زَقّ
ولا فَشْخَرة
ولا استعراض
تسيب ألمَك
تخبّيه جنبَك
تملا بالخير إيديك
توزّع من غير شكوى
لا تقلق ياخويا م المستقبل
لا تقلق من اللي كان في اللي عِشناه حزين
خلِص
عدّيه
سلام يسري
٣٠ ديسمبر ٢٠٢١
ليست هناك تعليقات:
إرسال تعليق