آه من دموعي اللي مغرَّقة صدري
و بارتجف
بارتجف من كتر الحب
و بارتجف
من كتر الخوف اللي وعيت عليه
عيني المفتوحة ع القلق .. وَجَع يِبُصّ
شريطي ماشي معاكس شريط القطر
و الصحرا دي زيّ الخضرا جُوّايا
و مزّيكتهم شهقتي
و رجْفة
الاتنين حبايب
-------
رجفة جديدة كل يوم
تلميذ نجيب للخوف
معطوف على الأشواق و ع الأمل
-------
بادبدب ع البيبان بهدوء
معَ ابتسامة محدودة
و نظرتي ... وَتَر مشدود لآخره
وَجَع إنساني مش مفهوم لغيره
ف آخره فيض من الحنان
يفيض
يِغْرَق .. و لا يغَرّقش
-------
و بارتجف
و لسة الحب نبراسي
لكني خجول
و دمعة صغيّرة على طرف جفني ... بتحاول
تفكّ الأسر
معصور أنا جُوّايا م الفرقة
معصورة عصر أنفاسي
و بارتجف
سلام يسري
بيروت 12-2008
هناك 3 تعليقات:
bravo bgad ya salaaam mesh 3arfa a2olk eih enta gamed awyy :)
u r so deep w wasaltly el 7ala awyyy l dargt eny z3lt :(
ana salma semsemy katbny 3'er mo3araf
it`s simply a piece of art
إرسال تعليق