وصمْت اتملا بكلام؛وخبّى السحْر...
وسحْر اتكشف بالوقت؛خبّى الشوق...
وشوق قتلُه انتظار؛فخبّى الحُب...
وحب اتقابِل بصمْت؛خبّى الأمَل...
وصمْت اتملا بكلام؛وخبّى السحْر
وسحْر اتكشف بالوقت؛خبّى الشوق
وشوق قتلُه انتظار؛فخبّى الحُب
وحب اتقابِل بصمْت؛خبّى الأمَل
صمْت وكلام؛وسحْر
سحر وزمن؛وشوق
شوق وانتظار؛وحب
حب وسكوت؛وأمل
اتملا فاتخبّى
اتكشَف فاتخبّى
اتقتل فاتخبّى
اتقابل فاتخبّى
---
اللِعبَة يرسِمها القلم؛والفكرة من غير ما اكتبها ما افهمهاش
وفي التِكرار علام؛وسلام للعقل م السرحان
الكلمة معناها البسيط؛ بيتكركِب مع التفكير
وبالتذكير مااعيدش الغلطة؛واغلَط عادي لما باخُد خطوة؛واتعلّم
واكتب تاني وباتأمّل؛
ورق الشجر فوقي شابك في فرع لكنّه حرّ؛عارف دوره
ومش مزنوق إنه يحاول يفهم المعنى
ونور الشمس فوق لكن نازل حيختفي بعد امّا نَوّر ، دفّا ، صحصَح ؛ وصحّ
مافيش ولا صحّ؛ ومافيش قلق من القلق
بتداوي الطيبة وقت العُنف
بتداوي الطيبة وقت العُنف
بتداوي الطيبة وقت العُنف
بتداوي الطيبة وقت العُنف
آلام الناس بتمشي معاهم خطوة بخطوة؛ وبالمسها
شايف الأذى بجسمي وحواسّي
ألملم نفسي احاول اني مااغرقش في حكاية برّايا
ومش باحاول افسّر الحكاية بمنظور الحقيقة
أنا اتعلّمت ماكونش عين واحدة؛باشوف بعينين كتير
ولو مش شايف؛ حاروح اسمع واشمّ والمس وادوق
ثانية بثانية؛اغرق في فكرة،وتيجي فكرة بعدها تغرّقها
ولو غرقان؛مافيش نَفَس
لو النفس ضايع؛باضيع
سلام يسري
برلين
١٧ يولية ٢٠٢٣
ليست هناك تعليقات:
إرسال تعليق