13‏/11‏/2012

غُنا


بارسِم 
في عينيكي
 كل صورة 
 كان نفسي اشوفها

باشوف
سما جُوّة كِلْماتِك 
و شمس منوّرة 
حروفها

باسبَق 
معاكي 
مع ضِحكتِك 
 زمَن

باخطّي
في روحك 
للبراح 
سَكَن

أصادِق 
الحيرة 
شوق ليكي 
 و لعينيكي

و اريّح
كفّي على نبْضِك 
و اغنّيكي

باخُد 
من رغبِتِك 
أمَل
  و من ريحتِك
باسرق 
نفس يعيّشني 
و يسقيكي

مدى نظرِك 
يدلّني
و صدى خُطاكي
يخُصّني

ياخُدني لفُسْحة 
إيقاعِك
و انا ارقُص 
مع هالات نورِك

سايبلِك انتي العَرْض
وسايب عندك طَلَب
و في حضورك
غُنا
و في حضورك
غُنا
و في حضورك
غُنا
و في حضورك
غُنا
.....
سلام يسري
12-11-2012

هناك تعليقان (2):

بسنت الصاوي يقول...

أنا كل شوية بفتح البلوج بقرا الكلام وبتنّح ، إنت إزاي كده !

ربنا يد يم عليك إبداعك

Salam Yousry يقول...

أنا شاكر ليكي جداً يا بسنت
وسعيد انك بتتابعي بلوجي المغمور :)