هنا في عالم الأحلام
الناس لسّة كتير
صورهم على اختلاف الحجم و التركيز
على العينين
أو الأجسام أو النظرة أو البسمة
في عز الصمت ناطقين بالحنين
من إمتى و انتم موجودين؟
مش فاكر غير انّي عارفكم
و باسألكم
في عز الصمت
هنا في عالم الأحلام
البكا يصدق
حاضن نفسي
و متبّت في غمْضِة عيني
هنا في عالم الأحلام
نُقَط بهجة من قلب الخيال
في عزّ الصمت
سلام يسري
١٣ إبريل ٢٠١٤
باكو
ليست هناك تعليقات:
إرسال تعليق