الفكرة اللي بتيجي تتملّك
تغيّبني
مش فكرة شريرة
لكنها حاضرة لنفسَها
وتتغذّى على نفَسي
وانا سلّمت
أنا اللي وافقتها وسيبتها
بإني اديتلها مساحة
لو بس اشوفها، أسمعها أو المسها
واسيبها تعدّي في طريقها
كما العابر وجاي يشرب قبل امّا يكمّل رحلتُه
مش جاي يقعد لكن رحال بيستكشف
والفكرة مني أو من برة
ما تفرقشي
أنا موجود في الأصل
ومني الفكرة
وليّ الفكرة
واقبلها
لكن مش لازم أرغي معاها
هاسقيها شاي
ولما تشربُه تمشي
وانا حكمل أعمل أكل
واتغدّى
واكمل يومي بالأفكار
وبالحركة
ليست هناك تعليقات:
إرسال تعليق