في الجوّ

أنا في الجوّ

سحابة كثيفة

و ماشية بلونها تتجمّل

و حواليها سحاب تاني
و بيراقب

أنا في الجوّ

مانيش ع الأرض

و ماشي بدقِّة الساعة
و مشواري

أهو مقارِب

أنا في الجوّ

نور ساطع

شعاع مرسوم لبُقعَة بعينها

و طول الوقت بالموجَب
و مش سالِب

أنا في الجوّ

طيور بهْجَة

و بالهِجْرَة تداري الشوق

و توصل أرض ، تطلُب حبّ
أكيد غلّاب

و مش قالِب

أنا في الجوّ

ريح غنِّت

راحِت لفِّت ، و نَفْس الدُورَة طول العام
لكن دايماً بتتجدّد

نَغَم موصول
و لا يعاتِب

أنا في الجوّ 

حُرِّية

و خيالاتي مِحَلّية

و لاتتعَب من البَهْجة

و لا تطالِب

٢ سبتمبر ٢٠١٢