15‏/10‏/2012

تِحْمَل معايا الشَقا؟

 تِحْمَل معايا الشَقا؟
تِحْمَل معايا الهمّ؟
تِحْمَل معايا الحُزْن؟
تِحْمَل معايا ألَم؟

لو فوق حمولك حِمِلْتني
و لو فوق كِتافَك شيلتني
لو وقت غضَبَك سامحتني
و لو وسط دمْعَك ضحّكتني
لو وسط خوفَك طمّنتني
و لو وسط قَلَقك زُرْتني
لو جُوّة حِلْمَك شُفتِني
و لو بين سَوادَك جاوبتني

ريّحتني

و شقاك حملته
لو بس تحمل مني الشقا
و قبلت حزنك
لو بس توعِد بالُقا

ريّحتني
طبّبت ألمك
لو عين في عين
و شِلْت همّك
طول السنين

برلين
٤-٩-٢٠١٢

ليست هناك تعليقات: