ضيَّعْت من ساعة كشكولي
اللي كان مالي سطوره
كلام مهمّ بالنسبة لي
و جه دوره
و فكّرت انّ الحياة
حاجات ضايعة
و انا كشكولي
من غيره
الحاجات ضايعة
سوا اللحظات
أو الأفكار
أو الصوره
و لو كشكولي الحبيب
أخد طريق تاني
لسكِّة سيره
يبقى انا اللي اخترت يهجُرني
والا مجبور
على هَجْرُه؟
و ليه قبل امّا اسافر
كنت خايف اضيّعه؟
و ليه وانا نازل التهاردة الصبح
ما حضنتهوش جامد
و قربته لنبضي
واديته حبة حنان؟
يمكن سابني عشان حسّ انّي همّلته
و من ورقه
بقالي يومين باقطع ورق
و كإنّي قلّلت من قيمته
و حتّى لو الضرورة مسئولة
أنا سِبْتُه
و باينّي من غير ما كنت أقصد القسوة
لقيتني عذّبتُه
لندن
٢٠١١
ليست هناك تعليقات:
إرسال تعليق