الفقر مش عيب
لكنّه للأسف بقى عبء
و لإنّه إحنا بنشبه بعضنا
و الحِمْل شايِلْنا و شايلينه شيل
من نظرة بتتابع
أو أغنيّة بتتغنّى
نلاقي الجمْع يتفرّق بين الحمول
واحد شايل
واحد متشال
هموم مِتْقالة و هموم مِخبيّة ولا تتقال
و رسايل بين العيون سائلة
و عيون تجاوب
أو عيون تانية تزيد الغيم سؤال
و بكلمتين لو اتقالوا: "ع الحُزن دوس" - تهدا النفوس
و بتأجّل تصريح دموعها و تكمّل
و تتفائل "حتتعدّل" و لا يتعدِل ميزان الفَرْق
بين شايل و بين متشال
لكن لحظة بنتعادل قصاد الخوف أو القسوة
و نتسائل
و نتسائل
و نتسائل
و نتسائل
سلام يسري
٢١ أغسطس ٢٠١٣
ليست هناك تعليقات:
إرسال تعليق