وسّعيلي مكان جنبِك
أبصّ من شبّاكِك
شبّاكِك طالِل ع الخيال
و أحوالِك
بتِعْجِبْني
و عشان شدّتني بسمتِك
أنا جيت مسلِّم
و اخترت حِلْمك
ليّ حِلْم
و شبّاكِك ليّ كمان
و أشواقِك
و طول ما النّور
داخل مخايِل
عيني و خيالي
أنا ليكي نور
ليكي خيال
و طول ما فَتْحِة الشِبّاك
ع الوِسْع طالّة
أنا ليكي وِسْع
و ليكي طَلّة
و ع البراح
و شمس هالّة
هناك تعليقان (2):
❤️❤️❤️، تراك عظيم
تراك عظيم ❤️❤️❤️
إرسال تعليق