16‏/10‏/2012

شجر الحكاية


من الأوّل 
و انا سامِع
الأصوات على الشّجر
و شَجَر الحكايَة
كلّه
مرسوم في كُراستي
كراستي مفتوحة
و فيها الحكاية مشروحة
في بيتي 
ساكنة كل الأماكن
 كل الألوان 
من الفاتح و للداكن
أصوات 
على الجبل البعيد
بيوت 
مايلة و مليانة
بصوت الحكاية
و الأنوار 
فيها و ليها
فرح و لو حزنانة
بَواقي الحبّ
سواقي غضب
قلوب 
و مالية شجر الحكاية
مواويل طرب


هناك تعليق واحد:

غير معرف يقول...

حلوة دى وايه مغنيها بطريقة لطيفة